«Nur-Sultan qalasynyń Qorshaǵan ortany qorǵaý jáne tabıǵatty paıdalaný basqarmasy» MM «JasNur» kásiporynymen birlesip, Esil ózeniniń jáne onyń salalarynyń jaǵalaý aýmaǵynda qamys shabý jumysyn júrgizip jatyr, dep habarlaıdy Egemen.kz qala ákiminiń baspasóz qyzmetine silteme jasap.
Osy jyldyń basynan bastap qamys shabý kún saıyn Esil ózeniniń jáne onyń salalarynyń (Aqbulaq jáne Sarybulaq ózenderi) jekelegen ýchaskelerinde oryndalady. Osy kezeńde myna sanıtarlyq ýchaskelerde aýdany 22 016 m2 bolatyn qol jetpeıtin jerlerde qamys jáne basqa da ósimdikterdi shabý júrgizildi:
- Aqbulaq ózeniniń TES-2 aýmaǵynda, ıaǵnı temirjol jáne Ál-Farabı dańǵylynda;- Sarybulaq ózeniniń Konstıtýsııa kóshesindegi kópirden Muztaý jáne Á.Moldaǵulova kósheleriniń qıylysyndaǵy tazartý ǵımaratyna deıin.
Bul jumystyń qajettiligi sý beti men akvatorııany artyq ósimdikterden tazartýmen ǵana baılanysty emes, sonymen qatar aldaǵy dezınseksııalyq jáne deratızasııalyq is-sharalar aldyndaǵy daıyndyq jumysy bolyp sanalady.