Shyǵys Qazaqstan oblysy Mádenıet basqarmasynyń basshysy ishimdik iship alyp, qyzǵa qol kótergen. 30 naýryzda oryn alǵan osy oqıǵa úshin Mıras Jumaǵulov qyzmetinen ketti, dep habarlaıdy Egemen.kz.
Anyq bolǵandaı, sheneýnik 30 naýryz kúni tańerteń Qabanbaı batyr kóshesi, 109-úıdegi qoǵamdyq orynda 23 jastaǵy qyzdy balaǵattap, janjaldasqan. Odan bólek, qyzǵa qol jumsaǵan. Osy áreketi arqyly basqarma basshysy QR memlekettik qyzmetshileriniń ádep kodeksiniń 3-bóligi,1,2,3 tarmaǵyn buzyp otyr.
«Búkil aqparat quraldarynda, áleýmettik jelilerde laýazymdy tulǵanyń is-áreketi jarııalandy, qoǵamdyq rezonans boldy», dedi tártip keńeste Memlekettik qyzmet ister agenttiginiń ShQO boıynsha departament basshysy Nurlan Erkebaev.
Osylaısha departament basshysy, keńestiń tóraǵasy basqarma basshysynyń memlekettik qyzmetten ketýin talap etti. Keńes músheleri biraýyzdan kelisip, sózge kelmesten, sheshimdi qoldady.