Búgin Aqtóbe qalasynda saǵat 11:33-te oblystyq TJD kezekshi bólimine órt týraly habarlama tústi. Sáńkibaı batyr dańǵylyndaǵy kópqabatty úıde páter órtendi, dep habarlaıdy Egemen.kz
«Oqıǵa ornyna 4 tehnıka men 13 adam jiberildi. As úıdegi jıhaz janǵan. О́rt sóndirýshiler arnaıy baspaldaq arqyly úı ıelerin qutqardy. Turǵyn úıden 10 adam evakýasııalandy», dedi oblystyq TJD baspasóz qyzmetinen.
Qazirgi ýaqytta órttiń shyǵý sebebi anyqtalyp jatyr. О́rt sóndirýshiler turmysta qaýipsizdik erejesin saqtaýǵa shaqyrdy.