Premer-Mınıstr Asqar Mamınniń tóraǵalyǵymen ótken Úkimet otyrysynda elimizdiń 2021 jylǵy qańtar-naýryz aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy qaraldy. El ekonomıkasynyń jaǵdaıy týraly Ulttyq ekonomıka mınıstri Áset Erǵalıev baıandady, dep habarlaıdy Egemen.kz.
Bıylǵy birinshi toqsannyń qorytyndysy boıynsha makroekonomıkalyq kórsetkishterdiń jaqsarǵany baıqalýda. Ken óndirisi ónerkásibin esepke almaǵanda, naqty sektorda ósý 7,9%-ǵa deıin jedeldedi, al negizgi kapıtalǵa salynǵan ınvestısııalar 34% deńgeıde ósti. Jyldyq ınflıasııa 7%-ǵa deıin baıaýlady. Naqty sektordyń kóp salalary turaqty ósim kórsetti. Olar qurylys (13,1%-ǵa ósý), sýmen jabdyqtaý (8,6%-ǵa), óńdeý ónerkásibi (7,5%-ǵa), elektrmen jabdyqtaý (4,9%-ǵa) jáne aýyl sharýashylyǵy (2,8%-ǵa) salalary. Sonymen qatar aqparat pen baılanys salasynda 9,9%-ǵa ósim baıqaldy.
«Sonyń nátıjesinde, jalpy ishki ónimniń ósý qarqyny osy jylǵy qańtar-aqpandaǵy mınýs 2,9%-dan qańtar-naýryzda mınýs 1,6%-ǵa deıin jaqsardy. О́ńdeý ónerkásibi salalarynda ósý qarqynynyń jedeldeýi baıqalady. Serpindi ósý mashına jasaýda 21,8%-ǵa, onyń ishinde avtomobıl qurastyrýda – 20,7%-ǵa belgilengen. Qurylys materıaldary óndirisi 30,1%-ǵa, hımııalyq ónimder óndirisi 14,2%-ǵa, plastmassa ónimderi óndirisi 22,3%-ǵa, kıim óndirisi 25,8%-ǵa, jıhaz óndirisi 19,2%-ǵa, farmasevtıka 9,1%-ǵa ósti. О́ńdeý ónerkásibinde ósýdiń joǵarylaý úrdisi saqtalyp otyr. О́sim 7,5%-dy qurady», dedi Á. Erǵalıev.