Álemdik ǵylym aptalyǵynda «Nazarbaev Zııatkerlik mektepteri» derbes bilim berý uıymynyń basqarma tóraıymy Kúlásh Shámshıdınova jáne elordadaǵy NIS-tiń hımııa páni muǵalimi Dınara Beısembaeva Nobel Fest alańynda COVID-19-dan keıin bilim berýdegi jahandyq trendter jaıynda aıtyp ótti, dep habarlaıdy Egemen.kz.
«Kovıdten keıingi álemde bilim berýdiń bolashaǵyn qurý» plenarlyq sessııasynda ekonomıkalyq yntymaqtastyq jáne damý uıymynyń bilim berý jónindegi dırektory, EYDU-nyń Parıjdegi shtab-páterinen PISA teń quryltaıshysy Andreas Shlıaıher, sondaı-aq Kúlásh Shámshıdınova men Nur-Sultandaǵy Nobel Fest bas stýdııasynan BCPD bas atqarýshy dırektorynyń mindetin atqarýshy Elmıra Obrı spıkerler boldy. Dástúrli bilim berýdi transformasııalaý, standarttalǵan testter men kreatıvtiliktiń úılesimdiligi, joǵary oqý orny dıplomynyń jetistikke balamasyz jol retindegi ózektiligi, jıyrma birinshi ǵasyrdyń dıversııalyq syn-qaterleri, sıfrlyq dáýirdiń basty kásipteri – onlaın dıalogta EdTrends strategııalyq basymdyqtary talqylandy.
Sarapshylarǵa arnalǵan arnaıy suhbatynda Kúlásh Noǵataıqyzy barlyq elderdiń ǵalymdary men pedagogtaryn biriktiretin ózekti suraqtarǵa jaýap berdi: sıfrlyq dáýirdegi muǵalimniń mıssııasy, balalardyń emosıonaldyq ıntellektisi men psıhologııalyq saýlyǵy, zamanaýı mekteptegi ınklıýzıvtilik, qashyqtan formattaǵy bolashaq bilim. Lokdaýn kezeńindegi Nazarbaev Zııatkerlik mektepteriniń tájirıbesi Nobel Fest qatysýshylarynyń erekshe qyzyǵýshylyǵyn týdyrdy.
«Qazaqstan muǵalimi – 2020» ulttyq syılyǵynyń Gran-prı ıegeri, Global Teacher Prize syılyǵynyń ambassadory Dınara Beısembaeva «NIS-te oqý prosesin qashyqtan uıymdastyrý» suranysqa ıe taqyrypty jalǵastyrdy. «Jańashyl muǵalimder: jańa bilim berý sheshimderin qalaı qurý kerek» taqyrybyndaǵy ashyq pikirtalasta Dınara Toktarkanovna qosymsha ınfraqurylymdy qajet etpeıtin ınnovasııalyq bilim berý sheshimderiniń naqty mysaldaryn usyndy.
Onlaın apta aıasyndaǵy eki basty oqıǵa – búginde aıaqtalyp úlgergen Ekinshi Nobel festıvali Central Asia Nobel Fest jáne Qazaqstan men Ortalyq Azııa ýnıversıtetterine arnalǵan Nobel Dáristeriniń aptalyǵy bolyp tabylady. II Nobel festıvali – TMD elderindegi eń iri ǵylymı-kópshilik is-sharalarynyń biri. Festıval «Bolashaqty qurý» uranymen ótedi. Festıval baǵdarlamasy úsh negizgi baǵyt boıynsha tehnologııalar men ınnovasııalardy damytýǵa baǵyttalǵan: múmkindikter ekonomıkasy; bolashaq ındýstrııasy; EdTrends (bilim berý úrdisteri). Nobel festıvalin uıymdastyrýshy – Inklıýzıvti Damý Qory. Festıval 8 Nobel syılyǵy ıegerin, 9 Breakthrough Prize laýreatyn, birqatar tanymal sarapshylardy, sonyń ishinde Google-diń ǵalamdyq bilim berý kóshbasshysy Djennı Magıera, Ford Motors álemdik trendterdiń jetekshisi Sherıl Konellı, Bloom Energy vıse-prezıdenti Venkat Venkatarman sııaqty halyqaralyq sarapshylar qatysady.
Álemdik ǵylym aptasy aıasynda qatysýshylar Nobel syılyǵynyń laýreattarymen, tehnologııalyq kompanııalardyń jetekshilerimen jáne álemdik deńgeıdegi ǵalymdarmen uıymdastyrylatyn dáristerge, semınarlarǵa jáne ınteraktıvti pikirtalastarǵa tegin qol jetkize alady.