Fýtzaldan Qazaqstan ulttyq quramasy 2022 jylǵy Eýropa chempıonatynyń irikteý kezeńin jeńilissiz aıaqtady. Besinshi topta Majarstan, Izraıl jáne Belarýs quramalarymen synǵa túsken jerlesterimiz alty oıynnyń bárinde jeńiske jetip, 18 upaımen óz tobynda birinshi oryn aldy.
Qazaqstan quramasy irikteý kezeńindegi sońǵy eki oıynyn Izraıl quramasymen ótkizdi. Elordada uıymdastyrylǵan alǵashqy kezdesýde bizdiń jigitter 4:1 esebimen basym tússe, 11 sáýirdegi qarymta matchta qarsylastar qaqpasyna jaýapsyz tórt gol soqty. Birinshi oıyndaǵydaı Taınan qarsylastar qaqpasyn 2 jáne 25-mınýttarda dál kózdep, dýbldiń avtory atansa, Tımýr Baltabaev (5-mınýt) pen Jomart Toqaev (22-mınýt) bir márte mergendigimen kózge tústi.
Jerlesterimiz endi 2022 jyldyń 19 qańtary men 6 aqpany aralyǵynda Nıderlandtyń Amsterdam jáne Gronıngen qalalarynda ótetin kezekti Eýropa chempıonatyna daıyndalady.