8 sáýirden bastap «sary» aımaqta bolýyna baılanysty Qyzylorda oblysynda karantın talaptary kúsheıtildi. Ol aımaqtyń bas memlekettik sanıtarııalyq dárigeriniń 13.04.2021 jylǵy №8 qaýlysynda qamtylǵan, dep habarlaıdy Egemen.kz «Syr boıy» gazetine silteme jasap.
Atap aıtqanda:
– qoǵamdyq oryndarda kalıandy paıdalanýǵa;
– oıyn-saýyq is-sharalaryn, kórmelerdi, forýmdardy, konferensııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý, «aýyz ashar», t.b.), onyń ishinde úıde jáne adamdar kóp jınalatyn ózge de is-sharalardy ótkizýge;
– banket zaldarynyń jumysyna;
– býkmekerlik keńselerdiń qyzmetine;
– bılıard, boýlıng («Ashyq» pılotyna qatysatyn kásipkerlik sýbektilerge ruqsat) kompıýterlik klýbtardyń («Ashyq» pılotyna qatysatyn sýbektilerge ruqsat), túngi jáne oıyn klýbtarynyń, karaokeniń qyzmetine;
– balalardy saýyqtyrý lagerleriniń qyzmetine;
– merekelik korporatıvterdi uıymdastyrý men ótkizýge;
– balalardyń oıyn-saýyq ortalyqtarynyń (jabyq úı jaılardaǵy oıyn alańdary men attraksıondar) jumysyna;
– kórermendermen sporttyq is sharalardy ótkizýge qatań tyıym salynady.
. Buǵan qosa ujymdyq aýyzashar ótkizýge bolmaıdy.
– Balalar men eresekterdiń bilim berý ortalyqtarynyń jumysy topty 15 adamnan artyq toltyrmaǵan kezde, aldyn alý jazylý boıynsha, qoǵamdyq kólik jumysyna, bankter, HQKO, «Qazpochta» AQ bólimsheleri jumysyna 9.00-den 18.00-ge deıingi ýaqyt shekteýimen, uıymdar, ofısterdiń jumystaryna 50％- kúndizgi rejımmen,qoǵamdyq tamaqtaný obektilerine toltyrylýy 50%-ǵa deıin, biraq 50 orynnan asyrmaı saǵat 7-den 24-ke deıin jumys isteýge, saýnalar jumysyna (jeksenbiden basqa), 30 adamǵa deıin mádenıet obektileriniń jumysyna (daıyndyq), 20%-dan artyq emes etip toltyrǵan jaǵdaıda teatrlar, kınoteatr, konsert zaldarynyń jumysyna ruqsat beriledi. Qaýly búginnen bastap kúshine enedi. Qurmetti oblys turǵyndary, epıdemıologııalyq ahýal turaqtanǵansha betperde kııýdi suraımyz, deıdi oblystyń bas sanıtarııalyq dárigeri Dınara Jańabergenova.