Petropavldyq zeınetkerlerge ınternet-alaıaqtar qońyraý shalyp, ábigerge salǵan. Qońyraý shalǵan bıkesh úı ıeleriniń aty-jónderin atap amandasqan soń, ózin bank qyzmetkerimin dep tanystyryp, jeke málimetterin ataýdy suraǵan. Bank kartalaryńyzda kúdikti bireýler buzyp kirip, sizderdiń atyńyzǵa nesıe resimdepti-mys dep túsindirgen.
Abyroı bolǵanda, zeınetkerler jaǵdaıdy tez boljap, bank joldyń arǵy betinde ekendigin alǵa tartyp, tez arada mán-jaıdy anyqtaý úshin bankke baratyndyqtaryn aıtqan. Boıjetken bolsa, telefon tutqasyn bank bóliminiń basshysymyn dep tanystyrǵan er adamǵa bergen. Er adam da karta nomerin jáne úsh sandy qupııa kodty shuǵyl ataýlaryn suraǵan, alaıda zeınetkerler kónbegen. Sóıtip, olar zeınetkerlerdiń jeke málimetterin aldap almaqshy bolǵan. Abyroı bolǵanda, zeınetkerler qyraǵylyq tanytyp, alaıaqtarǵa jem bolǵan joq. Qazirgi ýaqytta polıseıler qaskóıdi anyqtaý úshin jedel-profılaktıkalyq is-sharalar ótkizýde.
Jalpy bıylǵy jyldyń ózinde oblysta 211 ınternet-alaıaqtyq tirkeldi, onyń 57-si óndirispen aıaqtalǵan.