Ekibastuzda polıseıler memlekettik tirkeý nómiriniń ornyna qoldan jasalǵan karton belgi taqqan kólikti toqtatty. Anyqtalǵandaı, júrgizýshi nómirdi qara markermen ózi jazyp shyqqan eken, dep jazady Egemen.kz.
Tártip saqshylarynyń málimetinshe, kólik birden kúdik týǵyzǵan. Tekserý barysynda resmı memlekettik nómirdiń ornyna kartonnan qıylyp, markermen jazylǵan jalǵan belgiler ornatylǵany anyqtalǵan.
Elimizde jalǵan nómirmen júrgen 900-den astam júrgizýshi ustaldy
Ekibastuz qalalyq polısııa basqarmasy júrgizýshiniń zań talaptaryn buzǵanyn habarlady.
«Jalǵan memlekettik tirkeý nómirin paıdalanǵany úshin júrgizýshi ákimshilik jaýapkershilikke tartyldy. Kólik arnaıy aıyp turaǵyna qoıyldy», dep málimdedi polısııa ókilderi.
Jalǵan nómir taqqandar endi túrmege jabyla ma? Depýtat qylmystyq jaýapkershilik engizýdi usyndy
Quqyq qorǵaý organdary mundaı áreketter zańǵa qaıshy ekenin eskertip, qoldan jasalǵan nómirlerdi paıdalanýǵa eshqandaı jaǵdaıda jol berilmeıtinin atap ótti.
Endi júrgizýshiniń isi sotta qaralady.
Oralda kóligine qaǵazdan jasalǵan jalǵan nómir taqqan júrgizýshi jaýapqa tartyldy