AQSh-ta adamnyń oıyn tikeleı mátinge aınaldyra alatynyn jasandy ıntellektke negizdelgen bas kıim paıda boldy. Ázirleýshilerdiń aıtýynsha, qurylǵyny qoldaný úshin mıǵa ımplant ornatý nemese hırýrgııalyq tásilderdi paıdalaný qajet emes, dep habarlaıdy Egemen.kz.
Bas kıimniń ishinde shamamen 100 myńǵa jýyq EEG-datchık ornatylǵan. Olar mı belsendiligin tirkep, derekterdi arnaıy neırojelige jiberý arqyly oıdy mátinge aınaldyrady.
Algorıtm júzdegen eriktiniń mı sıgnaldary negizinde úıretilgeni jáne júıe mınýtyna shamamen 30 sózge deıin jaza alatyny aıtylǵan.
Qytaıda bala baǵyp, úı jınaıtyn ámbebap robot paıda boldy
Degenmen, tehnologııa ǵylymı ortada kúmán týdyryp otyr. Sarapshylar ázirge resenzııalanǵan zertteýler usynylmaǵanyn, al EEG sıgnaldarynyń álsiz ári syrtqy shýǵa beıim ekenin alǵa tartady.
Buǵan deıin uqsas baǵytta Meta kompanııasy da oımen mátin terý júıesin kórsetkenimen, ol tek iri zerthanalyq jabdyqtar arqyly jumys istegen.
Jambylda baıqaýdy robot júrgizdi: Jańa format kórermendi tańǵaldyrdy
Mamandardyń pikirinshe, jańa qurylǵy qyzyqty ıdeıa bolǵanymen, onyń naqty tıimdiligi men dáldigin rastaý úshin qosymsha táýelsiz zertteýlerdi qajet etedi.
Nurbolat AMANBEK