Tarazda joǵary synyp oqýshylary arasyndaǵy jappaı tóbeles vıdeoǵa túsip, áleýmettik jelide keń tarady. Oqıǵaǵa baılanysty Jambyl oblysy polısııa departamenti barlyq qatysýshynyń anyqtalǵanyn málimdedi, dep habarlaıdy Egemen.kz.
Janjal Myńbulaq shaǵynaýdany aýlalarynyń birinde bolǵan. Aqparatqa sáıkes, kıkiljiń sáýir aıynda eki mekteptiń 9 jáne 11-synyp oqýshylary arasynda bastalǵan. Birneshe kúnnen keıin oǵan ózge jasóspirimder aralasyp, jaǵdaı jappaı tóbeleske ulasqan.
Shalqardaǵy jappaı tóbeles: Jasóspirimniń ólimine qatysty úsh kúdikti ustaldy
Beınejazbadan bir top oqýshynyń joǵary synyp oqýshysyna shabýyldaǵan mezeti baıqalady. Kýágerler aralasyp, polısııa shaqyrǵannan keıin ǵana janjal toqtaǵan.
Polısııanyń málimetinshe, oqıǵa 5 mamyr kúni bolǵan.
«102 arnasyna jasóspirimge dene jaraqatyn salý deregi boıynsha habarlama tústi. Oqıǵaǵa qatysqan barlyq tulǵa anyqtaldy. 15 jastaǵy jasóspirimder ata-analarymen birge polısııa bólimine jetkizildi. Atalǵan fakti boıynsha sotqa deıingi tergeý bastaldy», dep habarlady vedomstvonyń baspasóz qyzmeti.
Jappaı tóbeles: Almatydaǵy eki jasóspirimniń óliminen keıin qylmystyq is qozǵaldy
Sondaı-aq tóbeleske qatysqan oqýshylar profılaktıkalyq esepke qoıylǵan. Al olardyń ata-analary bala tárbıesine qatysty mindetterin tıisinshe oryndamaǵany úshin jaýapkershilikke tartylǵan.
Qazir oqıǵanyń barlyq mán-jaıyn anyqtaýǵa baǵyttalǵan tergeý júrgizilip jatyr, qorytyndysy boıynsha prosessýaldyq sheshim qabyldanady.
Aqmola oblysynda 18 jastaǵy jasóspirimdi burynǵy synyptasy pyshaqtap ketti