Karıb teńizindegi Sent-Vınset aralynda La-Sýfrıer janartaýy oıandy. Qıyndyqqa tap bolǵandardy evakýasııalaýǵa aımaqtaǵy krýız kemeleri jumyldyryldy.
La-Sýfrıer janartaýyna jaqyn mańdaǵy qaýipti aımaqtan 16 myńǵa jýyq halyq evakýasııalanbaq. Olardy Karıb teńizindegi Sent-Lıýsııa, Grenada, Barbados jáne Antıgýa kórshiles araldaryna ornalastyrý josparlanǵan. Áıtse de, keı araldyń ákimshiligi koronavırýsqa qarsy vaksına alǵandardy ǵana kirgizetinin aıtyp otyr.
Qutqarylǵan adamdar krýız laınerine otyrmas buryn vaksına alýy tıis. Sent-Vınsent aralyndaǵy janartaý 9 sáýir kúni atqylaı bastady. Bul sońǵy 40 jylda birinshi ret bolyp otyr.
Dúleı apat saldarynan aral kúlge oranyp, kóptegen úı elektr jaryǵynsyz jáne sýsyz qaldy. Ǵalymdar janartaýdyń atqylaýy áli birneshe kúnge nemese aptaǵa sozylýy múmkin ekenin aıtady.