«Jastar resýrstyq ortalyǵy» mamandarynyń qatysýymen О́skemen qalasynyń qoǵamdyq kólikterinde Sybaılas jemqorlyqqa qarsy aksııa ótkizildi, dep habarlaıdy Egemen.kz.
QR Sybaılas jemqorlyqqa qarsy is-qımyl Agenttiginiń ShQO boıynsha departamenti janyndaǵy aqparattyq-aǵartýshylyq shtabynyń músheleri volonterlar men oblystyq «Jastar resýrstyq ortalyǵy» mamandarynyń qatysýymen О́skemen qalasynyń qoǵamdyq kólikterinde Sybaılas jemqorlyqqa qarsy qyzmet 1424 Call ortalyǵynyń tanymaldyǵyn arttyrý boıynsha plakattar japsyrý jáne halyq kóp jınalatyn oryndarda sybaılas jemqorlyqqa qarsy paraqshalardy taratý boıynsha «Adal qol, adal jol» aksııasyn ótkizdi.
Atalǵan aksııa qala turǵyndarynyń quqyqtyq saýattylyǵyn arttyrýǵa jáne sybaılas jemqorlyqqa qarsy mádenıetti qalyptastyrýǵa baǵyttalǵan.
«Sybaılas jemqorlyqqa qarsy keshendi kúreste azamattardyń sanasyn ózgertý, sybaılas jemqorlyqqa qarsy mádenıetti jáne sybaılas jemqorlyqqa berik ımmýnıtetti qalyptastyrý qajet, sondaı-aq qoǵamnyń belsendi qatysýynsyz qalaýly nátıjege qol jetkizý múmkin emes», dep atap ótti oblystyq shtab jetekshisi A.Esimbekova.
Jalpy, osy aksııa aıasynda 1500-den astam plakattar men broshıýralar taratyldy.