Horvatııadaǵy Splıt 2 chellendjder týrnıriniń juptyq básekesine qatysqan qazaqstandyq tennısshiler – Aleksandr Nedovesov pen Andreı Golýbev atalǵan jarystyń fınalyna shyǵa almady.
Qazaqstandyq jup shırek fınalda chehııalyq sportshylar Zdenek Kolar men Lýkash Rosolmen sheberlik baıqasyp, 1 saǵat 19 mınýtqa sozylǵan básekede 6:3, 3:6, 10:8 nátıjesimen jartylaı fınalǵa joldama alǵan edi. Fınal joldamasyn Polsha ókilderi Shımon Valkov pen Iаn Zelınskımen sarapqa salǵan otandastarymyz, ókinishke qaraı, qarsylastaryna 6:3, 7:6 nátıjesimen eki sette jol berip, fınaldan qur qaldy. Qazaqstandyq tennısshiler buǵan deıin dál osy jupty ózge jarystyń fınalynda jeńgen edi. Horvatııadaǵy baıraqty básekeniń jartylaı fınalynda jerlesterimizdi jeńgen Sh.Valkov pen Iа.Zelınskı týrnırde top jardy.