Úndistannyń Batys Bengalııa shtatynda taǵy bir jańa koronavırýstyq shtamm anyqtaldy, dep habarlaıdy Egemen.kz India Today-ǵa silteme jasap.
Bul týraly Úndistannyń genomıka jáne ıntegratıvti bıologııa ınstıtýtynyń qyzmetkeri Vınod Skarııa habarlady.
«V.1.618-bul kóbinese Úndistanda kezdesetin genetıkalyq varıanttardyń erekshe jıyntyǵymen, ımmýnıtettiń tómendeýiniń negizgi nusqasy-E484K-men kezdesetin SARS-COV-2-niń jańa shtammy», delingen habarlamada.
Sonymen qatar, úndistandyq ǵalymdar dál osy shtamm álemde koronavırýstyń kóbeıýine septigin tıgizip jatqandyǵyn atap ótti.
«Bul mýtasııanyń birneshe nusqalary AQSh-ta, Shveısarııada, Sıngapýrde jáne Fınlıandııada tabyldy», deıdi Skarıı.
Úndistannyń basqa shtattaryndaǵydaı Batys Bengalııada da aýrýdyń kúrt ósýi baıqalady. О́tken táýlikte shtatta 10 myńǵa jýyq jańa jaǵdaı tirkelgen. Sońǵy aılarda Úndistanda koronavırýsty juqtyrǵandar sany boıynsha rekordtyq ósim baıqalady.
Eske salaıyq, Úndistanda koronavırýstyń qos mýtasııasy bar jańa nusqasy anyqtalǵan bolatyn. Osyǵan baılanysty Úndistan koronavırýstyq vaksınalardyń barlyq eksportyn ýaqytsha toqtatty.