Qazaqstan Prezıdenti Atyraý oblysynyń áleýmettik-ekonomıkalyq damý máseleleri jónindegi keńeste óńirde medısına qyzmetkerlerine qolaıly jaǵdaı jasaý kerektigin alǵa tartady, dep habarlaıdy Egemen.kz
«Aıryqsha kútimge muqtaj balalarǵa qolaıly orta qalyptastyryp, medısınalyq kómek berý úshin mamandandyrylǵan saýyqtyrý ortalyǵyn salý máselesin qarastyrýdy tapsyramyn», deıdi Prezıdent.
Budan bólek, Qasym-Jomart Toqaev mektep túlekterine dáriger mamandyǵy boıynsha bilim alýy úshin grant sanyn kóbeıtý qajettigin aıtty.
«Qoǵam ókilderi birneshe jyldan beri oblys ortalyǵynda sportqa erekshe qabileti bar daryndy balalarǵa arnalǵan mektep-ınternat salý máselesin kóterip júr. Úkimetke ákimdikpen birlesip bul máseleni de qarastyrýdy tapsyramyn», deıdi Memleket basshysy.