Tótenshe jaǵdaılar mınıstri Iýrıı Ilın Nur-Sultan qalasynyń turǵyny Aqylbek Qypshaqbaevqa kórsetken erligi men batyldyǵy úshin alǵys aıtty, dep habarlaıdy
Egemen.kzvedomstvonyń baspasóz qyzmetine silteme jasap.
«Siz bizdiń zamanymyzdyń naǵyz erjúrek batyrysyz. Sizdiń erligińiz qurmetke laıyq. О́ıtkeni, árkim óz ómirin qaterge tigip, ózge adamnyń ómirin saqtap qala almaıdy», dep atap ótti Iý.Ilın.
Aqylbektiń aıtýynsha, ol ózin batyr sanamaıdy. «Meniń ornymda kez-kelgen adam osyndaı qadamǵa barar edi», deıdi ol.
23 sáýirde kúndiz saǵat ekilerdiń shamasynda Petrov kóshesinde 5-úıdegi páterde órt shyqqan. Bala úıde jalǵyz bolǵan.
О́rt sóndirý bólimsheleri kelgenge deıin balanyń aıǵaılap, kómek surap jylaǵanyn estigen Aqylbek balany qutqarýǵa bel býǵan.
Aqylbek oılanbastan 4-shi qabatqa túsip, astyńǵy kórshilerdiń terezesinen ústińgi qabattaǵy páterdiń terezesine qaraı ótkizýlerin suraıdy. Terezeden shyǵyp, balamen sóılese bastaıdy. Ol balany qolyna sekirýge kóndiredi. Bala qorqynyshpen terezeden sekirýge bel býady, Aqylbek ony birden qaǵyp ustap aldy.
«Men ózim týraly múldem oılamadym, tek balany qutqarýdy oıladym», deıdi keıipker.
Aqylbek Qypshaqbaev, 1987 jylǵy Shymkent qalasynyń týmasy, úılengen, tórt bala tárbıelep otyr.
Iýrıı Ilın Aqylbek Qypshaqbaevqa «О́rttegi erligi úshin» tósbelgisin tabystap, otbasyna baqyt pen amandyq tiledi.