Búginnen bastap Qazaqstanda QazVac ekpesimen vaksınalaý bastaldy. Densaýlyq saqtaý mınıstri Alekseı Soı alǵashqylardyń biri bolyp tikeleı efırde otandyq vaksına saldyrdy, dep habarlaıdy Egemen.kz.
Densaýlyq saqtaý mınıstrliginiń basshysy vaksınany alǵannan keıin 30 mınýt dárigerlerdiń baqylaýynda boldy. Ol ekinshi dozany 21 kúnnen keıin, 16 mamyrda alady.
Esterińizge sala keteıik, vaksına Qazaqstannyń bıologııalyq qaýipsizdik problemalary ǵylymı-zertteý ınstıtýtynyń bazasynda jasaldy. Otandyq vaksınanyń alǵashqy 50 myń dozasy óńirlerge jóneltildi.