Kókshetaýda iz-túzsiz joǵalǵan 12 jastaǵy ul bala izdestirilýde, dep habarlaıdy Egemen.kz Aqmola oblystyq Polısııa departamentiniń baspasóz qyzmetine silteme jasap.
«26 sáýir kúni saǵat 14:21-de Kókshetaý qalalyq polısııa bólimshesine 1984 jylǵy er adam habarlasyp, 12 jastaǵy uly Sergeı Aleksandrovıch Krıvonojkonyń joǵalyp ketkenin aıtyp, izdeýge kómek suraıdy. Ákesiniń sózinshe, uly saǵat 13:00 shamasynda qaryndasyn mektepke alyp ketken, sodan úıine qaıtyp oralmaǵan. Joǵalaǵan bala ústine kók kúrte, qara bas kıim, qara shalbar jáne qara krossovka kıgen», dep habarlaıdy qalalyq polısııa departamentiniń ókilderi.
Tártip saqshylary joǵalǵan balany kórgen adamdar nemese onyń joǵalǵanyna qatysty qandaı da bir derek biletin jandar bolsa, «102» arnaıy jelisi boıynsha polısııaǵa habarlasýdy suraıdy.