Almaty oblysy, Qarasaı aýdany, Shalqar aýylynda belgisiz bireý er adamnyń aıaǵyna oq atty, dep habarlaıdy Egemen.kz
Almaty oblystyq Polısııa departamentiniń baspasóz qyzmetiniń málimetinshe, oqıǵa 24 sáýirge qaraǵan túni bolǵan. Shalqar aýylynyń 62 jastaǵy turǵyny zardap shekken.
«Tekserý barysynda Qaskeleńniń 29 jastaǵy turǵyny anyqtaldy. Ony ustaý boıynsha jedel izdestirý is-sharalary júrip jatyr. Bul fakt «adam óltirýge oqtalý» áreketi retinde tirkeldi. Istiń sebepteri men mán-jaıy anyqtalady. О́zge aqparat jarııa etilmeıdi», dedi Almaty oblystyq polısııa departamentiniń baspasóz qyzmeti.
Dárigerler zardap shekken adamnyń sol aıaǵyn oq tesip ótkenin aıtty. Ol shamamen saǵat 23:00-de Qarasaı aýdandyq ortalyq aýrýhanasyna jetkizilgen. Er adamnyń jaǵdaıy óte aýyr.
Oblystyq qoǵamdyq densaýlyq saqtaý basqarmasynyń ókili: «Naýqas reanımasııa bólimine tústi. Ol sol jaq aıaǵynan jaralanǵan. Sol jaq jilinshigine oq tıgen. Aıaǵynyń eki súıeginiń joǵarǵy bóligi synǵan. Jalpy jaǵdaıy óte aýyr. Jasandy tynys aldyrý apparatynda jatyr», dep atap ótti.