Búgin Úkimet otyrysynda Densaýlyq saqtaý mınıstri Alekseı Soı elimizde koronavırýstyń taralýy tómendep kele jatqanyn aıtty, dep habarlaıdy Egemen.kz.
«Naýqastanýdyń kúndelikti dınamıkasy naýryz aıynyń sońyndaǵy kórsetkishpen salystyrǵanda ótken apta ishinde 8 paıyzǵa deıin tómendedi. Sońǵy aptada onyń aldyndaǵy aptamen salystyrǵanda ólim-jitim ósimi 30-dan 8 paıyzǵa deıin azaıdy. Ahýaldyń aıtarlyqtaı turaqtanýy baıqalady. О́ńirler aımaqtaǵy epıdemııalyq ahýaldy eskere otyryp shekteý is-sharalaryn túzetýdi jáne qabyldaýdy jalǵastyryp jatyr», dedi A. Soı.
Mınıstrdiń aıtýynsha, pandemııa bastalǵaly elimizde 311 400 adam koronavırýs ınfeksııasyn juqtyrdy.