Memleket basshysy Qasym-Jomart Toqaev búgin «Spýtnık V» vaksınasynyń ekinshi komponentin aldy. Bul týraly Prezıdenttiń baspasóz hatshysy Berik Ýálı Facebook paraqshasynda jazdy, dep habarlaıdy Egemen.kz.
«Ekpe saldyrǵannan keıin Prezıdenttiń densaýlyǵynda eshqandaı kinárat baıqalǵan joq. О́ziniń jumys kestesine sáıkes qyzmetin qyzý atqaryp jatyr. Qasym-Jomart Kemeluly elimizdegi vaksınasııa qarqynyn tómendetpeý kerek dep sanaıdy. Memleket basshysy ekpe saldyrý barlyq shekteýlerden aryltyp, qaıta qalypty ómirge bastaıtyn, COVID-19 pandemııasyn jeńetin jalǵyz jol ekenine kámil senedi», dep jazdy Berik Ýálı.