Arqaǵa aqzerli belbeýdeı bolyp túse qalǵan erke Esil tasyp jatyr. Petropavldaǵy sý torabyndaǵy plotınada oblystyq TJ departamentiniń aldyn alý bóliminiń bastyǵy, azamattyq qorǵaý podpolkovnıgi Sáken Aǵzamov jýrnalısterge ózenniń qazirgi ahýaly men bolashaqta bolýy múmkin qaýipterdi aldyn alý jumystary týraly aıtyp berdi.
Jalpy jaǵdaı turaqty, tasqyn qalypty jaǵdaıda ótip jatqan kórinedi. Sýdyń kóterilýi tek Novonıkolsk selosy men Petropavldyń sý qoımasynda ǵana baıqalǵan. «Ázirge turǵyn úıler men eldimekenderdi sý basý jaǵdaılary bolǵan joq. Sergeev sý qoımasyndaǵy sýdyń bıiktigi 50 sm-ge jetti. Bul qaýipti emes, 2017 jyly ol 336 sm-ge deıin kóterilgen. 4-5 kúnnen keıin Petropavl sý torabyndaǵy sýdyń deńgeıi de eń bıik núktesine deıin kóterilýge tıis. Mine, sol kezde ózenniń qoınaýyndaǵy saıajaı ýchaskeleri sýdyń astynda qalady. Bul da qalypty jaǵdaı. Jyl saıyn maýsymdyq sıpat alǵan qubylys», dedi Sáken Serikuly.
Sonymen qatar Petropavldyń sý qoımasyna jaqyn mańda ornalasqan «Chelıabi-Novosibir» avtojolynyń ýchaskesinen sý júripı ketkeni baıqalǵan. Bul respýblıkalyq mańyzy bar jol. Osy jerlerge júrginshilerge eskertý belgileri qoıylypty. Tipti kezekshilik te uıymdastyrylyp, kelip qalǵan jolaýshylardy aınalma jolǵa salyp jiberedi eken.
Sondaı-aq S. Aǵzamov qala turǵyndaryn tasqyn ýaqytynda jáne kólderdi muzy túsetin kezeńde saıajaıǵa barmaý, balyq aýlaýǵa shyqpaý kerektigin eskertti. О́z kezeginde sóz alǵan «Qazgıdromettiń» Soltústik Qazaqstandaǵy fılıalynyń ınjeneri Roman Gırıchev aldaǵy kúnderdiń jylı túskenimen 2017 jylǵydaı úlken tasqyn bolmaıtynyn atap aıtty.
Soltústik Qazaqstan oblysy