Elbasy Nursultan Nazarbaev jýyrda álemniń eń bıik núktesi – Everestti baǵyndyrǵan elordalyq Marııa Áýezovaǵa aıaqqa arnalǵan protezderdi ornatýǵa kómektesýge ýáde berdi, dep habarlaıdy Egemen.kz
«Adam balasynyń osyndaı múmkindikterdi baǵyndyrǵanyna tańdanamyn. Qazirgi medısınanyń damyǵan zamanynda, áli-aq ornyńyzdan turyp, bılep ketesiz. Osyndaı protezdermen júrgen adamdardy kórdim. Sondyqtan sizge barynsha qolushymdy tıgizýge daıynmyn», dedi Tuńǵysh Prezıdent.
Elbasy sóz barysynda qolastyndaǵylarǵa tapsyrma berip, osy isti aıaǵyna deıin jetkizýdi tapsyrdy. Sondaı-aq ol 1995 jyly Abaıdyń 150 jyldyq mereıtoıyna oraı bıik shyńǵa kóterilgenin eske aldy.
«Biraq bul shyńnyń bıiktigi 4 myń metrden asady. Men onyń ne ekenin bilemin. Kóterilý eshteńe emes, túsý odan da qıyn. Sondyqtan kózderińiz janyp tur, baqyt áli alda, jubaıyńyzǵa, otbasyńyzǵa raqmet! Barlyq jaqsylyqty tileımin!», dedi Elbasy.
Eske sala keteıik, bıylǵy 19 sáýirde Nur-Sultan qalasynyń eki aıaǵy joq turǵyny Marııa Áýezova Everestti baǵyndyrǵan alǵashqy qyz boldy.