Búgin Qazaqstannyń Tuńǵysh Prezıdenti–Elbasy, QHA Tóraǵasy Nursultan Ábishuly Nazarbaevtyń tóraǵalyǵymen «Birliktiń, tatýlyq pen kelisimniń 30 jyly» kún tártibindegi Qazaqstan halqy Assambleıasynyń XXIX sessııasy ótti. Assambleıa sessııa sońynda Úndeý qabyldandy, dep habarlaıdy Egemen.kz QHA-nyń baspasóz qyzmetine silteme jasap.
Sessııa jumysyna Prezıdent Q.K. Toqaev, aımaq ákimderi – Nur-Sultan, Almaty, Shymkent qalalaryndaǵy jáne oblystardaǵy QHA tóraǵalary, ortalyq memlekettik organdar basshylary, QR Parlamenti depýtattary, Qazaqstan halqy Assambleıasy músheleri, aımaqtyq jáne respýblıkalyq etnomádenı birlestikterdiń tóraǵalary, saıası partııalar, dinı birlestikter, ÚEU, ǵylymı, shyǵarmashylyq ıntellıgensııa ókilderi jáne BAQ qatysty. Barlyǵy 550-den astam adam boldy.
Sessııa barysynda Elbasy Assambleıanyń aldyna qoǵamdyq kelisim men ulttyq birlikti odan ári nyǵaıtý boıynsha naqty mindetter qoıdy.
Sessııada QHA músheleri, etnomádenı birlestikteriniń basshylary, aımaqtardan kelgen delegattar, jumysshy ókilderi, sport, azamattyq qoǵam ókilderi, jastar jáne t.b. sóz sóıledi.
Assambleıa sessııa sońynda Úndeý qabyldandy, onda «30 jyl buryn Táýelsizdikke alǵash qol jetkizgennen bastap halqymyz, Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń kemel basshylyǵymen, qoǵamdyq kelisim men jalpyulttyq birlikti – el damýynyń basty ustanymy retinde tańdady. Bul qaǵıdat – tabysty da aýqymdy áleýmettik-ekonomıkalyq reformalardyń, saıası júıeni úzdiksiz demokratııalandyrýdyń, ulttyń áleýmettik kapıtalyn damytýdyń myzǵymas irgetasyna aınaldy.
Táýelsizdikti, eldegi tatýlyq pen kelisimdi kúsheıtýde Elbasynyń bastamasymen qurylǵan Qazaqstan halqy Assambleıasynyń qyzmeti aıryqsha.
Jalpyhalyqtyq ınstıtýtqa aınalǵan Assambleıa – qundylyqtar men azamattyq ustanymdardyń tutastyǵyn nyǵaıtty jáne ortaq maqsattar men mindetter aıasynda el turǵyndarynyń myzǵymas birligin qamtamasyz etip keledi. Assambleıa qyzmetiniń arqasynda elimizdiń etnostyq jáne mádenı san alýandyǵy damýdyń jáne reformalardyń mańyzdy faktoryna aınaldy.
Assambleıa – barlyq azamattardyń ómir súrý sapasyn arttyrý jáne ulttyń adamı áleýetin nyǵaıtý, ádiletti qoǵam men tıimdi memleket qurý baǵytyndaǵy Prezıdent Qasym-Jomart Toqaev belgilegen damýdyń jalpyulttyq basymdyqtaryn iske asyrý boıynsha jumysty jandandyrýǵa shaqyrady.
Biz, táýelsizdik pen birlikti nyǵaıta otyryp, Otanymyz – Qazaqstan Respýblıkasynyń tabysty damýy men órkendeýine qol jetkizetinimizge nyq senim bildiremiz!» delingen Úndeýde.