Qazaqstan qazirgi kezde klınıkalyq zertteýlerdiń III satysyndaǵy QazVac ataýly ulttyq vaksınasynyń kómegimen koronavırýsqa qarsy vaksınalaý naýqanyn bastady.
Ulttyq telearnalardyń dereginshe, Qazaqstan boıynsha Bıologııalyq qaýipsizdik problemalary ǵylymı-zertteý ınstıtýty ázirlegen eki dozaly vaksınanyń 50 myń dozasy taratylǵan. Densaýlyq saqtaý mınıstri Alekseı Soı teledıdarda tikeleı efırde ózine vaksınanyń alǵashqy dozasyn saldyrdy. Osydan soń A.Soı ózin jaqsy sezinetinin jetkizdi jáne Úkimettiń Túrkııamen aýqymdy kólemdegi jańa partııanyń óndirisi týraly kelisimder júrgizip jatqanyn aıtty. Qazaqstan Prezıdenti Qasym-Jomart Toqaev bul Covid-19 vırýsyna qarsy jeke vaksınasyn jasap shyǵarǵan álemdegi sanaýly el sanatyndaǵy aıryqsha ǵylymı jetistik ekenin atap ótti.
Qazaqstan koronavırýsqa vaksınalaý naýqanynda kósh bastap turǵan reseılik Spýtnık V vaksınasy óndirisin óz aýmaǵynda qurǵan alǵashqy sheteldik memleket boldy. A.Soıdyń aıtýynsha, aqpannan beri Qazaqstanda árbir 20-shy adam vaksına alǵan.
26 sáýirdegi jaǵdaı boıynsha resmı málimetterge sáıkes, 19 mıllıon halyqtyń arasynda 309 myńnan asa adam Covid-19 vırýsyn juqtyrǵan, olardyń ishinde 3570-i qaıtys bolǵan. Qazaqstan – Ortalyq Azııadaǵy iri ekonomıkasy bar, tabıǵı resýrstar men kómirsýtektiń baı qoryna ıe burynǵy keńestik respýblıka.