Qyzylordada joǵalǵan 6 jasar bala óli tabyldy. Áltaırdy eki kún boıy polıseıler, Ulttyq gvardııa sarbazdary, TJD ókilderi jáne eriktiler izdestirdi, dep habarlaıdy Egemen.kz
Balanyń denesi 29 sáýir kúni tańerteń jeke turǵyn úıdiń káriz qudyǵynan tabylǵan.
«Qajetti sot-medısınalyq saraptamalary taǵaıyndaldy. Balanyń denesinde zorlyq-zombylyqtyń belgileri baıqalmaıdy. Tergeý bastaldy, barlyq tergeý áreketteri meniń quzyrymda bolady. Kishkentaı Áltaırdyń ata-anasy men týys-týǵandaryna kóńil aıtamyn», dedi Qyzylorda oblystyq polısııa departamentiniń basshysy, polısııa polkovnıgi Sultan Bektóre.
Eske salaıyq, 27 sáýir kúni Qyzylordada alty jasar balanyń joǵalyp ketkendigi týraly habarlanǵan bolatyn. Ol serýenge shyǵyp, úıine qaıtyp oralmaǵan.