Qymbatty otandastar!
Sizderdi 1 mamyr – Qazaqstan halqynyń birligi merekesimen quttyqtaımyn!
Bul kún barshamyz úshin tatýlyq pen kelisimniń, patrıotızmniń sımvoly bolyp sanalady.
Táýelsizdiktiń otyz jyly ishinde elimiz qol jetkizgen barlyq jetistik – Otanymyzdyń taǵdyry úshin ortaq jaýapkershilikti sezine bilgen kúlli qazaqstandyqtardyń bereke-birliginiń kórinisi.
Kópultty halqymyzdyń myzǵymas dostyǵy Qazaq- stan memlekettiliginiń basty tireginiń birine aınaldy.
Bizdiń maqsatymyz – qajyr-qaıratymyz ben erteńgi kúnge degen senimniń bastaýy bolǵan el birligin budan da ári kózdiń qarashyǵyndaı qorǵaý.
Tek tatýlyqtyń arqasynda ǵana biz basymyzǵa túsken synaqtardan súrinbeı ótemiz.
Qazaqstan halqynyń yrysty yntymaǵy árdaıym jańa belesterdi baǵyndyrýǵa jol ashady dep kámil senemin.
Barshańyzǵa zor densaýlyq pen baq-bereke tileımin!