Bilim jáne ǵylym mınıstri Ashat Aımaǵambetov endi memleket menshigindegi joǵary oqý oryndardy jekeshelendirýge bolmaıtynyn aıtty. Bul týraly ol Facebook paraqshasynda jazdy, dep habarlaıdy Egemen.kz.
«Joǵary oqý oryndary memlekettik kásiporyndardan aksıonerlik qoǵamdarǵa ózgergennen keıin akademııalyq ortada ýnıversıtetterdi jekeshelendirýge baılanysty túsinispeýshilikter paıda boldy. Ásirese, bul máseleni ál-Farabı atyndaǵy QazUÝ, Sátbaev ýnıversıteti, Abaı atyndaǵy QazUPÝ, E.A. Bóketov atyndaǵy QarMÝ oqytýshylary kóterdi. Atalǵan máseleni túpkilikti sheshý úshin zańǵa túzetýler engizýge bastamashylyq jasadyq. Endi memlekettiń 100% menshigindegi joǵary oqý oryndaryn jekeshelendirýge múmkindik bolmaıdy, demek bul ýnıversıtetter memlekettiń menshiginde qalady», dep jazdy mınıstr.
Onyń aıtýynsha, bul zań jobasy endi Senatta qaralady. Eger senatorlar qoldasa, Memleket basshysynyń qaraýyna jiberiledi.