Memleket basshysy Qasym-Jomart Toqaev qazaqstandyqtardy Qazaqstan halqynyń birligi kúnimen quttyqtady, dep habarlaıdy Egemen.kz Aqordaǵa silteme jasap
Qurmetti Otandastar!
Barshańyzdy Qazaq halqynyń birligi kúnimen shyn júrekten quttyqtaımyn!
Tuńǵysh Prezıdentimiz – Elbasy Nursultan Nazarbaevtyń bastamasymen belgilengen bul mereke ǵasyrlar boıy qazaq jerinde berik ornyqqan dostyq pen aýyzbirshilik, ózara qurmet pen senim sııaqty qasterli qundylyqtarǵa negizdelgen.
Táýelsizdik kezeńinde negizi qalanǵan «áralýandyǵymyz - birlikte» qaǵıdaty Qazaqstannyń san qyrly mádenıeti men dástúrin baǵa jetpes baılyǵymyzǵa aınaldyrdy. Yrys-yntymaq pen otanshyldyq rýh ulttyq kodymyzdyń uıytqysy bolyp otyr.
Halqymyzdyń ádiletti ári damyǵan memleket quryp, elimizdiń órkendetý jolyndaǵy múddesi ortaq.
Biz qoǵamdaǵy turaqtylyq pen kelisimniń, ózara qoldaý men jasampaz eńbektiń arqasynda kez-kelgen qıyndyqty eńserip, kózdegen maqsatymyzǵa jetemiz.
Sizderge zor densaýlyq, baq-bereke tileımin!
Ár shańyraqta tatýlyq pen ózara túsinstik bolsyn!