2 mamyr kúni Qazaqstannyń basym bóliginde jaýyn-shashynsyz aýa raıy kútiledi, dep habarlaıdy Egemen.kz
Batysta atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı oınaýy múmkin. Shyǵysta túnde jańbyr aralas qar jaýyp, qatqaq bolady. Respýblıkanyń keı jerlerinde tuman saqtalyp, jel kúsheıedi. Ońtústikte shańdy daýyl turyp, jel soǵady.
«Qazgıdromet» RMK málimetinshe, Soltústik Qazaqstan oblysynda jeldiń kúshi túnde keı jerlerde 15-20 m/s, kúndiz 23-28 m/s deıin artýy múmkin. Túnde jáne tańerteń tuman bolýy yqtımal.
Qyzylorda oblysynyń keı jerlerinde jeldiń ekpini kúndiz 23-28 m/s jetedi. Shańdy daýyl turady.
Jambyl oblysynyń keı jerlerinde jeldiń jyldamdyǵy 23-28 m/s kúsheıedi.
Túrkistan oblysynyń keı jerlerinde jel 15-20 m/s artady. Shańdy daýyl soǵady.
Shyǵys Qazaqstan, kúndiz Almaty oblystarynyń keı jerlerinde jel 15-20 m/s kúsheıip, tuman kútiledi.
Aqmola, Pavlodar, Qaraǵandy, kúndiz Qostanaı, Batys Qazaqstan oblystarynyń keı jerlerinde jel 15-20 m/s artady. Batys Qazaqstan oblysynyń keı jerlerinde naızaǵaı soǵady.