Oralda alty jasar qyz bala tokqa túsip qaldy, dep habarlaıdy Egemen.kz
BQO Polısııa departamentiniń baspasóz qyzmetinen málim etkenindeı, oqıǵa búgin, qalaǵa qarasty Derkól kentinde boldy. «Shamamen saǵat 16.49-da kezekshi bólimge qońyraý shalynǵan. 2016 jylǵy qyz balany tok úıdiń janyndaǵy gaz qubyryn ustaǵan kezde soqqan. Júreginiń aqaýy bar bala oqıǵa ornynda kóz jumdy. Ol qubyrǵa elektr togynyń qalaı kelip turǵany belgisiz. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.