Buǵan deıin Italııada adamdar vaksınalaýdyń ekinshi komponentin 21 nemese 28 kúnnen keıin alatyn. Biraq eldiń densaýlyq mınıstri Roberto Speranza málim etkendeı, qazir vaksınany alý merzimi 42 kúnge deıin uzardy, dep habarlaıdy Egemen.kz
2021 jyly qantarda vaksınany alǵashqylardyń biri bolyp, dárigerler, egde tartqandar men qarttar úıiniń qyzmetkerleri saldyrdy. Bılik halyqty vaksınany tegin jáne erikti túrde alýǵa shaqyrady. Jyl sońyna deıin eldiń 90%-yna egý josparlanyp otyr.
Degenmen, bıyl qańtar men sáýir aıyndaǵy vaksınalaý naýqany jospardan edáýir artta qalyp, kópshilik arasynda keraǵar pikirlerge ulasty. Pfizer jáne AstraZeneca vaksınalaryn jetkizýde olqylyqtar paıda bolǵandyqtan, saıasatkerler bıliktiń bul prosesti uıymdastyrýdaǵy áreketterin qatań synǵa aldy. Osyǵan mysal retinde bıyl naýryz aıynda eldiń ártúrli aımaqtaryndaǵy birneshe azamat AstraZeneca vaksınasymen egilgennen keıin kóp uzamaı qaıtys boldy.
Ǵalymdar men saıasatkerlerdiń bastamasy boıynsha reseılik «Spýtnık V» vaksınasyn satyp alý máselesi talqylanyp jatyr. Sondaı-aq elde Pfizer jáne AstraZeneca vaksınalaryna shekteý qoıyp, reseılik ónimdi ázirleýdi kózdep otyr.