Shyǵysta Uly Otan soǵysynyń 79 ardageri turady. Bıyl jeńis merekesine oraı ardagerlerdiń bárine 1 mln teńge aqshalaı syılyq beriledi, dep habarlaıdy Egemen.kz
Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, UOS qatysýshylaryna teńestirilgen azamattarǵa bir rettik materıaldyq kómek qarastyrylǵan. Qorshaýdaǵy kezeńinde Lenıngrad qalasynyń kásiporyndarynda, mekemeleri men uıymdarynda jumys istegen jáne «Lenıngradty qorǵaǵany úshin» medalimen, ári «Qorshaýdaǵy Lenıngrad turǵyny» belgisimen nagradtalǵan 11 adam 100 myń teńgeden alady. Ekinshi dúnıejúzilik soǵys kezinde fashıster men olardyń odaqtastary qurǵan konslagerlerdiń, gettolardyń jáne basqa da eriksiz ustaý oryndarynyń burynǵy kámeletke tolmaǵan tutqyndarynyń qataryna engen 22 azamat, sondaı-aq, UOS qaıtys bolǵan qatysýshylardyń, partızandardyń, astyrtyn kúres júrgizýshilerdiń, «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen marapattalǵan, «múgedek» dep tanylǵan azamattardyń áıelderi (kúıeýleri) osy somany Jeńis kúni qarsańynda alady. Olardyń sany 531 adam. Sondaı-aq bul tizimge marapattalǵan tyl eńbekkerlerinen 320 adam kirdi.
12 504 adam merekege oraı 42 500 teńge alady. Olar 1941 jylǵy 22 maýsym men 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan tyl eńbekkerleri.
Bıýdjetten qarastyrylǵan tólemderdiń jalpy somasy 705 mln teńgeni qurady.