6 mamyrdan bastap Nur-Sultan turǵyndary Sinopharm Qytaı vaksınasyn saldyra alady. Bul týraly Nur-Sultan qalasynyń qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy Egemen.kz
«Qazir basqarma qoımalaryna qytaılyq Sinopharm óndirýshisiniń vaksınasy keldi. Erteńnen bastap osy vaksınany egýge kirisemiz. Bul vaksına osy óndirýshi kompanııanyń vaksınasyn saldyrýǵa nıet bildirýshiler úshin tańdaý-preparat», dedi Muratov elorda ákimdiginiń onlaın-brıfınginde.
Buǵan deıin densaýlyq saqtaý mınıstri Alekseı Soı Qazaqstanda vaksınasııalaý úshin úsh vaksına baryn málimdegen bolatyn. Olar – reseılik «Spýtnık V», qazaqstandyq QazVac jáne Hayat-Vax qytaı tehnologııasymen óndirilgen arab vaksınasy.