Túlekterdiń qorytyndy attestattaýy 28 mamyrda bastalady, dep habarlaıdy Egemen.kz BǴM baspasóz qyzmetine silteme jasap.
9 (10) - synyp oqýshylarynyń qorytyndy bitirý emtıhandary 2021 jylǵy 28 mamyr men 5 maýsym aralyǵynda ótedi. Olar qorytyndy attestattaýdy úsh pán boıynsha tapsyrady: oqytý tili boıynsha esse nysanynda jazbasha emtıhan; matematıkadan (algebradan) jazbasha emtıhan; ózge tilderde oqıtyn synyptarda qazaq tili men ádebıeti boıynsha jazbasha emtıhan jáne qazaq tilinde oqytatyn synyptardaǵy orys tili men ádebıeti boıynsha jazbasha emtıhan.
11 (12) - synyp oqýshylarynyń memlekettik bitirý emtıhandary 2021 jylǵy 1-10 maýsym aralyǵynda ótedi. Mektep bitirýshiler tórt pán boıynsha emtıhan tapsyrady: oqytý tili boıynsha esse nysanynda jazbasha emtıhan; algebra jáne analız bastamalary páninen jazbasha emtıhan; Qazaqstan tarıhynan testileý; ózge tilderde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý.
2020-2021 oqý jylyn 3,4 mln astam oqýshy aıaqtap jatyr. Olardyń ishinde 150 myńǵa jýyǵy — 11 (12) - synyp túlekteri, 270 myńǵa jýyǵy — 9 - synyp oqýshylary.