Atyraý oblysynda 21 jastaǵy jigit úıinde 30 kelige jýyq baǵaly bekire balyǵyn zańsyz saqtaǵan, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, bul derek «Bekire-2021» jedel profılaktıkalyq is-sharasy kezinde anyqtalǵan.
«Isataı aýdanynyń turǵyny úıinde jalpy salmaǵy 29 keli 800 gramm bolatyn bekire tuqymdas balyq saqtaǵan. Atalǵan derekke qatysty Qylmystyq kodekstiń 339-babynyń 1-bóligimen sotqa deıingi tergep-tekserý júrgizilýde» dep málim etti departamenttiń baspasóz qyzmetinen.