Nur-Sultan qalasy ákiminiń orynbasary Baqtııar Máken elordanyń densaýlyq saqtaý mekemeleriniń bas dárigerlerimen keńes ótkizdi. Kezdesýde halyqty jappaı vaksınasııalaý máseleleri talqylandy, dep habarlaıdy Egemen.kz Nur-Sultan ákimdiginiń resmı saıtyna siltema jasap.
Keńeske qatysýshylar qazirgi epıdemıologııalyq jaǵdaıdy, medısınalyq mekemelerde dári-dármekterdiń, medısınalyq jabdyqtardyń bolýyn, sondaı-aq halyqty KVI-dan jappaı vaksınasııalaý jumystaryn talqylady.
«Taýarlar men qyzmetterdiń sapasy men qaýipsizdigin baqylaý departamenti SOO-lardaǵy mobıldi ortalyqta júrgizilip jatqan jumystan habardar etti. Ekpe alǵysy keletinder qatary 1,5 esege artty. Dárigerler naýqastardy emdeý jolynda basynan keshken oqıǵalaryn áńgimeledi. Jaqynda KVI-men aýyr kúıde túsip, ókpesi 99% zaqymdanǵan júkti naýqas emdelip, №2 kópsalaly qalalyq aýrýhanadan shyǵaryldy, júrek jetispeýshiligi jáne basqa da aýrýy bar naýqastar emdelip, burynǵy ómirine qaıta oraldy. Jyl basynan beri COVID-19 juqtyrǵan 57 júkti áıel deni saý sábı bosandy», dedi Baqtııar Máken.
Qala ákiminiń orynbasary COVID-19-ǵa qarsy kúres boıynsha jumysty jalǵastyrýdy, turǵyndar arasynda vaksınasııalaý boıynsha aqparattyq-túsindirý júrgizýdi, halyqty vaksınasııalaýǵa jazý boıynsha call-ortalyqtardyń jumysyn kúsheıtýdi, kadrlar máselelerin baqylaýǵa alýdy, sondaı-aq medısına mekemelerinde dári-dármekterdiń bar-joǵyna kún saıyn monıtorıng júrgizýdi tapsyrdy.