Grýzııada 26 jastaǵy qazaqstandyq belgisiz jaǵdaıda kóz jumdy. Bul aqparatty elimizdiń Syrtqy ister mınıstrligi men Grýzııanyń Ishki ister mınıstrligi rastady, dep habarlaıdy Egemen.kz.
Marqumnyń esimi Ásel Aıtpaeva. Onyń nemere sińlisi qyzdyń ajal qushar aldynda qurbysyna aýdıojazba jiberip úlgergenin aıtty. Onda belgisiz er adamnyń qoqan-loqqy kórsetken daýsy jazylyp qalǵan.
Sińlisiniń aıtýynsha, Ásel Aıtpaeva Grýzııaǵa týysqanynyń shaqyrýy boıynsha ýaqytsha tabys tabýǵa ketken eken. Birneshe kún buryn baılanysqa shyqpaı qalǵan. Sońǵy aýdıojazba 5 mamyrda kelgen.