Nur-Sultan qalasynyń bas sanıtarııa dárigeriniń jańa qaýlysy jarııalandy. Ol 2021 jylǵy 7 mamyrda saǵat 00.00-de kúshine enedi, dep habarlaıdy Egemen.kz.
Kópshilik jınalatyn is-sharalar týraly tyıym:
Buqaralyq is-sharalardy, otbasylyq, eske alý is-sharalaryn qosqanda, onyń ishinde úıde (aýyz ashar, banketter, úılený toılary, mereıtoılar, eske alý jáne t.b.), «Ashyq» jobasyna qatysatyn obektilerde ótkiziletin is-sharalardy qospaǵanda (30 adamnan artyq emes), uıymdastyrý jáne ótkizýge, mıtıngiler, sherýler, jıyndar jáne t. b. ótkizýge jáne qatysýǵa tyıym salý;
Ashyq jobasy boıynsha Nur-Sultanda okeanarıým, karaoke, banket zaldary, kórmeler, marafondar iske qosylady, sondaı-aq kórermen qatysatyn sporttyq is-sharalar ótkizýge ruqsat etiledi.
Sonymen qatar, memlekettik organdar men ulttyq kompanııa ákimshilik qyzmetkerleriniń jumysy týraly ereje ózgergen:
О́ndiristik qajettilikke baılanysty menshik nysanyna qaramastan memlekettik organdar (uıymdar), ulttyq kompanııalar, kásiporyndar ákimshilik personaly keminde 80 paıyz qashyqtan jumys nysanyna kóshý. Qyzmetkerlerdi COVID-19-ǵa qarsy vaksınalaý júrgizilgen jaǵdaıda qyzmet qashyqtan jáne kúndizgi jumys formatynda jumys isteıtin qyzmetkerlerdiń paıyzdyq araqatynasy boıynsha talaptardy eskermeı júzege asyrylady. Bul rette sońǵy 6 aı ishinde COVID-19-ǵa qarsy vaksınasııalaýdyń tolyq kýrsyn alǵan jáne COVID-19 juqtyryp jazylǵan barlyq qyzmetkerdiń kúndizgi rejımde jumys isteýine ruqsat beriledi.