Prezıdent Ákimshiligi men qalalyq máslıhat depýtattarynyń kelisimi boıynsha Erjan Seıtenov Almaly aýdanynyń ákimi bolyp taǵaıyndaldy, dep habarlaıdy Egemen.kz.
E. Seıtenovtiń kandıdatýrasy Almaty qalasynyń ákimi B. Saǵyntaevtyń qatysýymen ótken jetinshi shaqyrylǵan qalalyq máslıhattyń kezekten tys V sessııasynda maquldandy.
Seıtenov Erjan Irgebaıuly 1974 jyly týǵan. H. A. Iаssaýı atyndaǵy Halyqaralyq qazaq-túrik ýnıversıtetinde bakalavrıat bitirip, magıstr dárejesin aldy.
Eńbek jolyn 1990 jyly Jańaqorǵandaǵy JMK-11-de jumysshy bolyp bastaǵan. Osy jyldary ol kvazımemlekettik sektorda, sondaı-aq Almaty qalasynyń kommýnaldyq kásiporyndarynda basshy laýazymdarynda boldy. Almaty qalasynyń Jerdi paıdalaný men qorǵaý, Jasyl ekonomıka basqarmalarynyń basshysy qyzmetterin atqardy.
Osy ýaqytqa deıin ol Almaty qalasy Turǵyn úı saıasaty basqarmasynyń basshysy boldy.