О́zbekstanda byltyr mamyr aıynda Sardoba sý bógetiniń jarylý oqıǵasyna baılanysty 17 adam sottaldy, dep habarlaıdy Egemen.kz.
Aıyptalýshylar 3-ten 10 jylǵa deıin bas bostandyǵynan aıyrylyp, olarǵa iri kólemde aıyppul salyndy.
Eń aýyr jaza «Ýztemır-ıýl-kýrılısh-montaj» ulttyq kompanııasynyń bas dırektory bolǵan Holmatovqa kesilgen. Oǵan urlyq jasap, múlikti talan tarajǵa saldy jáne qaýipsizdikke salǵyrt qarap, adam ólimine sebepshi boldy degen aıyp taǵylyp, 10 jylǵa sottaldy. Sondaı-aq taǵy 4 adam 5 jylǵa bas bostandyǵynan aıyryldy.
Eske sala keteıik, byltyr 1 mamyrda О́zbekstandaǵy Sardoba sý bógeti jarylyp, qoımadan aqqan sý О́zbekstandaǵy eldi mekendermen birge Túrkistan oblysyndaǵy birneshe aýyldy basyp qalǵan edi. Júzdegen adam zardap shegip, myńdaǵan turǵyn evakýasııalanǵan bolatyn.