QR Premer-Mınıstri Asqar Mamın «Orano» dırektorlar keńesiniń tóraǵasy Klod Imovenmen kezdesý ótkizdi, dep habarlaıdy Egemen.kz.
K. Imoven Úkimet basshysyna Ońtústik Qazaqstan oblysy Sozaq aýdanyndaǵy Moıynqum jáne Tórtqudyq ken oryndarynda tabıǵı ýrandy barlaý, óndirý jáne qaıta óńdeý jónindegi «KATKO» Qazaqstan-Fransýz birlesken kásipornynyń QR-daǵy qyzmetin odan ári damytý josparlaryn tanystyrdy.
A. Mamın «KATKO»-nyń QR-da ýrandy qaıta óńdeý boıynsha ǵylymı ázirlemelerge, zamanaýı ekologııalyq taza tehnologııalardy qoldanýǵa, densaýlyq saqtaý jáne eńbek qaýipsizdigi salasynda joǵary standarttardyń saqtalýyn qamtamasyz etýge, Túrkistan oblysynyń áleýmettik ınfraqurylymyn damytý boıynsha is-sharalardy ótkizýge, sondaı-aq adamı kapıtaldyń sapasyn arttyrýǵa ınvestısııa salýynyń mańyzdylyǵyn atap ótti.