Pavlodarda bes qabatty turǵyn úıdiń páterinen órt shyǵyp, bir adamdy kúıik shaldy, dep habarlaıdy Egemen.kz.
Pavlodar oblystyq Tótenshe jaǵdaılar departamenti baspasóz qyzmetiniń málimetinshe, 14 mamyr kúni saǵat 00.02-de Pavlodar qalasyndaǵy Qaıyrbaev kóshesindegi 36-úıden órt shyqqany týraly habarlama túsken. Eki bólmeli páterdiń úlken bólmesinde jıhaz órtenip, jalyn 16 sharshy metr aýmaqty sharpyǵan.
«О́rt sóndirýshiler besinshi qabattan ıis tıip ýlanǵan, qolyn, basyn, moıynyn ekinshi-úshinshi dárejeli kúıik shalǵan 1967 jylǵy er adamdy tapty. Er adam es-tússiz birinshi qalalyq aýrýhanaǵa jetkizildi», dep habarlady TJ departamenti.