Almatylyq polıseıler Qyrǵyzstanda adam óltirgeni úshin izdeýde júrgen er adamdy ustady. Kúdiktini ekstradısııalaý týraly másele qarastyrylyp jatyr, dep habarlaıdy Egemen.kz.
Vedomstvo málimeti boıynsha, 32 jastaǵy kúdikti Almaty qalasynda boı tasalap júrgen.
«Kúdikti Almaty qalasy aýmaǵynda jasyrynyp júrgeni týraly aqparat keldi. Jedel-izdestirý sharalary júrgizilip, nátıjesinde er adam ustalyp, ýaqytsha ustaý ızolıatoryna qamaldy. Kúdiktini ekstradısııalaý máselesi halyqaralyq sharttarǵa sáıkes sheshiledi», dedi Almaty qalasy polısııa departamenti bastyǵynyń orynbasary polısııa podpolkovnıgi Rústem Ábdirahmanov.