Bórli aýdandyq ortalyq aýrýhanasynyń dırektory Shyńǵys Sársenǵalıevtiń málim etkenindeı, oqıǵa 12, 13 jáne 14 mamyr kúnderi boldy, dep habarlaıdy Egemen.kz QazAqparatqa silteme jasap.
Shyńǵys Sársenǵalıevtiń aıtýynsha, alty adamnyń beseýi – Qarashyǵanaq ken ornyna qatysty qyzmet atqaratyn túrli kompanııalardyń jumysshylary. Al 12 mamyr kúni túsken tórt adamnyń ekeýi jansaqtaý bólimine jatqyzyldy.
Sonyń ishinde bireýi – jumysshynyń áıeli. Ol kúıeýi jumystan alyp kelgen plastıkalyq ydysqa salynǵan tamaqty jegen. Áıel 13 mamyr kúni, er adam keshe jansaqtaý bóliminen jalpy palataǵa aýystyryldy. Sondaı-aq 13 jáne 14 mamyr kúnderi bir-bir adamnan aýrýhanaǵa tústi.
«Qazirgi kezde barlyǵynyń jaǵdaıy ortasha aýyr. Em qabyldaýda. Aldyn ala málimet boıynsha olar tamaqtan ýlanǵan degen dıagnoz qoıyldy. Jumysshylardyń neden ýlanǵany keıin anyqtalatyn bolady», dedi.
Turǵyndardyń sózine qaraǵanda, ýlanǵandar Halliburton jáne basqa qosalqy merdiger kompanııalardyń qyzmetkerleri kórinedi.