Fýtboldan Qazaqstan chempıonatynyń 11-týr oıyndary aıaqtaldy. Kezekti kezdesýinde jeńiske jetken «Astana» 29 upaı jıyp, ózge básekelesterinen qara úzip ketti.
Juma kúni elordalyq fýtbolshylar Taldyqorǵannyń «Jetisýyn» qabyldady. Kezdesýdiń 4-mınýtynda Marın Tomasov mergendik tanytty – 1:0. Osy esep matchtyń sońyna deıin saqtaldy. Osylaısha, «Astana» óziniń basty qarsylastarynan biraz upaı ozyp, jarys kestesinde jeke-dara kósh bastap tur. Qaraǵandynyń «Shahteri» men Túrkistannyń «Turany» arasyndaǵy básekeniń de taǵdyryn bir ǵana dop sheshti. Nur-Sultanda ótken oıynda Tańat Nóserbaev soqqan goldyń nátıjesinde ońtústikten kelgen jigitter jeńiske jetti – 1:0. Oraldyń «Aqjaıyǵy» óz alańynda Almatynyń «Qaıratyn» qabyldady. 53-mınýtta Pavel Nazarenko nysanany dál kózdep, jergilikti jankúıerlerdi qýantty – 1:0. «Aqtóbe» men Qyzylordanyń «Qaısary» arasyndaǵy báseke 1:1 esebimen teń aıaqtaldy.
Senbi kúni taǵy da úsh oıyndy tamashaladyq. Petropavldyń «Qyzyljary» Aqtaýdyń «Kaspııin» utty – 2:0. «Atyraý» «Tarazdan» basym tústi – 1:0. Al «Ordabasy» men «Tobyl» arasyndaǵy matchta jeńimpaz anyqtalǵan joq – 1:1.