Pavlodar qalasynyń mamandandyrylǵan ákimshilik soty densaýlyqqa qasaqana jeńil zııan keltirý faktisi boıynsha ákimshilik isti qarady, dep habarlaıdy Egemen.kz.
Oblystyq sottyń baspasóz qyzmetiniń málimeti boıynsha, 53 jastaǵy qala turǵyny M.Júsip kóshesinde mysyqtardy aýladan qýyp jibermek bolyp tas laqtyrǵan. Alaıda tas kórshisine tıip, densaýlyǵyna qasaqana jeńil dárejede zııan keltirgen.
«Sarapshynyń qorytyndysyna sáıkes azamatshanyń mańdaı tusynda jaraqat bolǵan. Sotta azamat óziniń kinásin moıyndap, jasaǵan isine ókinetinin aıtty jáne mysyqtarǵa tas laqtyrǵan kezde kezdeısoq kórshisine tıip ketkenin túsindirdi», deıdi baspasóz qyzmetinde.
Sot qala turǵynyn Ákimshilik kodekstiń 73-1-babynyń 1-bóligine sáıkes kináli dep tanyp, memleket kirisine 30 629 teńge kóleminde aıyppul túrindegi jaza taǵaıyndady.
Sot qaýlysy zańdy kúshine engen joq.