Taıaýda «Bóbek» ulttyq ǵylymı-praktıkalyq, bilim berý jáne saýyqtyrý ortalyǵynyń bas dırektory Elena Sákenova «О́zin ózi taný» rýhanı-adamgershilik bilim berý baǵdarlamasyn júzege asyrýdyń qazirgi kezeńi týraly: jetistikter, ózekti máseleler men perspektıvalar» taqyryby boıynsha tikeleı efırde baıandama jasady.
E.Sákenova «О́zin ózi taný» adamgershilik-rýhanı bilimi óziniń damýynyń 25 jyly ishinde bir pánniń sheńberinen shyǵyp, tárbıe júıesiniń qasıetterin týdyra otyryp, oqý-tárbıe úderisiniń barlyq salalaryn qamtyǵanyn atap ótip, «О́zin-ózi taný» páni men mektep pánderiniń ıntegrasııasy bilim berý mazmuny, oqytý ádisteri men nysandary muǵalimniń jeke basy arqyly júzege asyrylatynyn tilge tıek etti. Sonymen qatar muǵalimderge mektep pánderi mazmunynyń qundylyq áleýetin ózektendirý jáne osy negizde ár oqýshynyń áleýetin ashý jáne onyń jeke basyn jetildirýge yqpal etý sekildi mindetter qoıyldy.
«Bóbek» ortalyǵynyń bas dırektory bilim alýshylar arasynda ótkizgen «О́zin-ózi taný» pánin oqytý olarǵa ne beredi?» degen saýaldama nátıjelerine de keńinen toqtaldy. Sonyń nátıjesinde óz-ózin túsinýge, ózderi jaıynda, jeke qasıetteri týraly oılaýǵa úırenetinderin jáne óz boılaryndaǵy ózgeristerdi baıqaǵandaryn kórsetti. Sodan keıin tyńdaýshylarǵa qanatqaqty bilim berý uıymdary qyzmetiniń nátıjeleri týraly da mol aqparat usynyldy.
Adamnyń úılesimdi damýy ulttyq ınstıtýtynyń ashylýy – «О́zin ózi taný» baǵdarlamasyn júzege asyrýdyń qazirgi kezeńindegi mańyzdy sátterdiń biri. Onyń negizgi maqsaty – Qazaqstan Respýblıkasynyń Bilim berý júıesiniń barlyq deńgeıinde bilim alýshylardyń zııatkerlik jáne adamgershilik-rýhanı damýyn qamtamasyz etetin oqytý men tárbıeleý júıesiniń negizi retinde «О́zin ózi taný» baǵdarlamasyn iske asyrý», dep atap ótti E.Sákenova.