Kókshetaý qalasynda bir jyldan asa ýaqyt alkogol ónimderin shyǵaryp kelgen jasyryn seh anyqtaldy, dep habarlaıdy Egemen.kz.
Vedomstvonyń málimetinshe, 16 mamyrda Aqmola oblysynyń PD Jedel krımınaldy polısııa basqarmasynyń qyzmetkerlerine Kókshetaý qalasyndaǵy Hasenov bazary aýmaǵynda er adamnyń alkogol ónimderin zańsyz satýmen aınalysatyny týraly jasyryn aqparat túsken.
«Jedel-izdestirý sharalary barysynda 17 mamyr kúni saǵat 09:00-de Kókshetaý qalasynyń «Borovskoı» shaǵynaýdany Hasenov bazary aýmaǵyndaǵy garajdardyń biriniń jer tólesinde alkogoldik ónimderdi quıýmen aınalysyp júrgen Kókshetaý qalasynyń 33 jastaǵy turǵyny ustaldy», dedi vedomstvodan.
Anyqtalǵandaı, jasyryn sehtan 600 lıtr suıyqtyq, 300 lıtr araq jáne 300 lıtr taza spırt tárkilendi. Er adam bul ispen bir jyldan astam ýaqyt aınalysyp kelgen.
Is materıaldary Kókshetaý qalasynyń Memlekettik kirister basqarmasyna joldandy.